Бөлүмдөр
Жекшемби, 19-август
Чүй

Токмоктук мушкер Чыңгызхан Хорватиядагы мелдеште Европанын чемпиону аталды (фото)

Turmush -  Токмок шаардык №8 орто мектебинин 9-классынын окуучусу, мушкер Алмазбек уулу Чыңгызхан Хорватияда өткөрүлгөн мелдеште Европанын чемпиону болду. Бул тууралуу аймактык кабарчыга аталган мектептин директору Шайгүл Беккуева билдирди.

Алдын ала маалыматтарга караганда, Алмазбек уулу Чыңгызхан 2018-жылдын 6-февралында Хорватияга мелдешке кеткен.

«Бүгүн жакшы жаӊылыгын бизге кабарлады. Абдан сүйүнүп жатабыз. Биз окуучубуз менен сыймыктанабыз. Ал мектепте тартиптүү, токтоо, активдүү, жакшы окуган окуучу. Өзү 2015-жылдан бери спорттун кикбоксинг түрү менен машыгып келет. Кыргызстандын 2 жолку чемпиону, спорттун чеберине талапкер болгон. Бул окуучумдун апасы Кадырова Кенжегүл Казиевна ушул эле мектепте директордун окуу-тарбия иштери боюнча орун басары болуп иштейт. Ошону менен бирге математика сабагынан билим берет. Чыңгызхандын үй-бүлөсү үлгүлүү үй-бүлө», - деди ал.

Алмазбек уул Чыңгызхан Токмок шаарында 2002-жылы 11-апрелде төрөлгөн.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1052
Комментарии
Для добавления комментария необходимо быть нашим подписчиком
Көп окулду
×