Бөлүмдөр
Шаршемби, 14-ноябрь
Чүй облусу, Токмок 19.01.2018 23:35

Токмоктук Д.Ашыракунова Кыргызстандын чемпионатында коло тагынды (фото)

Turmush -  Шахмат боюнча Кыргызстандын чемпионатында Чүй облусу командалык эсеп менен 2-орунду жеңип алды. Бул тууралуу аймактык кабарчыга шахмат боюнча спорт чебери, улуттук даражадагы калыс, шахмат сүйүүчүлөрүнүн арасында дүйнѳнүн вице-чемпиону жана Азия чемпиону, Токмок шаарында шахмат боюнча машыктыруучу Ислам Байысынов билдирди.

Анын айтымында, 1-орунду Бишкек шаарынын командасы багындырган.

«Аталган чемпионатка Токмок шаарынын 10 окуучусу жолдомо алган. Анын ичинен 2 окуучу акыркы турларда ооруп калып, катыша алышкан жок. Калган 8 оюнчунун ичинен Диана Ашыракунова коло медаль алды. Калган окуучуларым да жакшы көрсөткүчтөргө жетишти», - деди ал.

Кыргызстандын чемпионатына 6 жаштан 18 жашка чейинки 600 шахматчы катышкан.

Тема боюнча: Токмоктун он окуучусу шахмат боюнча Кыргызстандын чемпионатына катышып жатат (фото)

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×