Бөлүмдөр
Шаршемби, 14-ноябрь
Чүй облусу, Токмок 12.12.2017 09:21

Токмокто көлмөгө түшүп кеткен унаада каза болгондордун өздүгү такталды

Turmush -  Токмокто көлмөгө түшүп кеткен жеңил унаанын ичинде каза болгон 4 адамдын өздүгү такталгандыгын бүгүн, 12-декабрда ӨКМдин басма сөз кызматы билдирди.

Алар:

- 1973-жылы туулган К.Р., Бишкек шаарынын тургуну (айдоочу);
- 1942-жылы туулган Ш.Т., Нарын облусуна караштуу Кочкор районунун тургуну;
 - 1969-жылы туулган Ш.М., Бишкек шаарынын тургуну;
- 1997-жылы туулган М.у.К., Бишкек шаарынын тургуну.

Кечээ, 11-декабрда Бишкек — Нарын — Торугарт унаа жолунун 38-чакырымында жол кырсыктан 4 адам каза болгон.

ӨКМдин басма сөз кызматынын маалыматына караганда, саат 13:35те №21 бөлүмдүн куткаруучулары Токмок шаарынын аймагындагы «Рахат» кафесине чыгып кетишкен. Ал жерде «Тойота Авенсис» (мамлекеттик номуру В 5294 АU) үлгүсүндөгү унаа көлмөгө түшүп кеткен. Куткаруучулар суудан унааны жана 4 адамдын жансыз денесин алып чыгышты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×